Galo community khan Mopin festival manaishe

April 7, 2021. Basar laga Lepa-Rada district te Arunachal Pradesh chief minister Pema Khandu para Galo community laga Mopin festival te jaikena samil korishe. Galo maiki khan nejor traditional dress lakaina chief minister ke Basar laga festival ground te tai laga jehera te rice flour lakaina welcome korishe koishe. Mopin toh Galo manuh khan laga agriculture festival ase aro etu Spring samai celebrate kori thaki. Etu occasion te kotha kora samai, Khandu para koishe, Mopin toh festival of white ase aro etu matlab toh peace, prosperity aro purity ase, etu nemite festival para manuh pithor te shanty aro mel-melab kori thibo. Chief minister para aro etu din Basar te “Mopin Joy Ride cum Awareness ride 2021” laga flagged toh kulishe. Arunachal Amateur Bicycling Association para organized kora te cycle rally samai India laga sob jaga para 20 cyclists neshina participated korishe. Etu cyclists team khan toh olop din beche Lepa-Rada district te cycle para jaboli ase. “Flagged off ‘#MTB #Mopin Joy Ride Cum Awareness Ride 2021’ aji Basar te Arunachal Amateur Bicycling Association (AABA) para organized kora te India desh para 20 cyclists neshina #Leparada district te jaboli participate korishe,” koikena Pema Khandu para juanaishe.