Jorhat college te 11 studens Covid(+v) paishe

April 7, 2021. Tuesday din upper Assam, Jorhat te DCB Girls’ College te 138 maiki manuh pithor te 11 jun logot Covid-19 positive tested paishe. Jorhat deputy commissioner Roshni A Korati para koishe, 11 maiki pithor te tin(3) maiki toh semester exams thiboli ase aro hostel te isolation te rakina exam toh thiboli ase koishe. Dosura maiki khan toh nejor ghor te isolation te bohi ase. DC para koishe, dosura 8 maiki toh exam thiboli nai. Covid-19 positive cases laga number toh tin(3) moina akhe te zero nahoile sigle number thaka toh itya district te Covid-19 bemari toh besi othi ase koishe. Covid-19  bemar toh aro spread neshina howa nemite district administration para tangor college neshina Jorhat te JB College, CKB College aroTitabar subdivision te NN Saikia College te RAT testing facilities toh bonaikena ase koishe. JB College te 148 jun aro NN Saikia College te 40 jun logot negative tested paishe. Airport, aro Jorhat Medical College & Hospital te 87 RTPCR tests lowa pithor te 6 jun logot positive tested paishe. Jorhat district te, itya dak te 71 manuh etu bemar para morikena ase aro 38 active cases ase koikena khobor para janaishe. Sob melaikena positive cases toh 12,426 hoikena ase.