Kohima, 07 April: State Institute of Rural Development (SIRD) para retiring Director, Limasenla Jamir nemite farewell program toh aji, April 7th, 2021 SIRD Auditorium, Kohima te loise.
DIPR report te, Limasenla Jamir toh SIRD te Director hisab te nineteen (19) sal kaam kori kena retire hoise koise.
Advisor, SIRD, Fire & Emergency Services and Relief & Rehabilitation, Pohwang Konyak para jai thaka Director ke lamba samai nemite tai laga service aro dedication nemite dhanyabad janaishe. Powang Konyak para be appointment aro retirement toh ekta service laga field te tuita kaam laga landmarks ase koise. Tai para jai thaka Director ke retirement bechite be department te tai laga services debole koise.
Commissioner & Secretary, Rural Development, Neposo Theluo para jai thaka Director toh ekta humble, kind hearted aro efficient officer hisab te koise. Tai toh lakiya te hotai tai laga service debole daiyar thaka manu ase koise. Tai para tai laga leadership pithor te, besi infrastructure kaam toh department te loise koise aro besi innovative schemes bona, besi researches aro trainings lowa te motob korise koise.
Neposo para Nagaland SIRD toh North East te ekta best ase koise aro etu sob toh jai thaka Director laga kusish aro thek initiatives nemite ase koise.
Incoming Additional Director & HoD, SIRD, Vesato para jai thaka Director, Limasenla Jamir toh SIRD te ekta most decorated aro successful Directors hisab te koise aro tai ke 19 sal laga leadership nemite congratulate korise.
Jai thaka Director, SIRD, Limasenla Jamir para Isor ke dhanyabad korise 35 sal laga services te eku dekthari napara lok napai kena kothom howa nemite. Tai para be tai laga family ke dhanyabad korise tai khan laga sob support nemite koribole para nemite. Tai services te EAC hisab te 1985 te join howa thakise aro ATI te transfer howa thakise aro SIRD te September 2002 te join howa thakise. Tai para tai laga officers aro staff logote eki melikena olop infrastructure bonabole parise aro tai khan ke department agae loijabole challenged korise aro expert trainers logote center of excellence hisab te janaise koise. Tai para tai laga officers aro staff ke dhanyabad korise kelay koile department te 19 sal service samai tai khan laga sob love, care aro support deya nemite. Aro higher authorities ke be dhanyabad janaishe komti interference te department jolabo nemite mana karni.
Programme te Joint Director, SIRD, Imlimenla Longkumer para chaired thakise, invocation prayer toh Senior Lecturer, Dr. Juthsutho Phoni para korise. Special number toh SIRD laga staff para present korise aro vote of thanks Senior Lecturer, Dr. Kedise Pucho para deshe. Short Speeches toh Principal, ETC, Tuensang, Dr. W. Phola Konyak aro Director, SAU, Imtitoshi I. Jamir para deya thakise.
Add Comment