Mithun Chakraborty’s Roadshow cancelled kori dishe

Kolkata: Mithun Chakraborty para roadshow thakibo nemite Bharatiya Janata Party (BJP) ke permission deya nai koishe. Olop din akhe tai West Bengal, Kolkata laga Behala jaga te party joined korikena ase. Etu nemite konuba party activists khan para police station te jaikena protest korishe koishe. Etu protest toh actor-para politician howa Srabanti Chatterjee para led korishe, tai toh Behala Paschim assembly constituency te BJP ticket para election jaboli ase koikena party para khobor toh janaishe. “Kolkata Police para ami khan laga leader Mithun Chakraborty logot campaign koriboli mana korishe aro eku khobor nathaka te ase. Trinamool Congress khan para undemocratic kam te campaign koriboli mana korishe. State government khan power hariboli phui ase?” Srabanti Chatterjee para koishe. BJP party activists khan para ruling Trinamool Congress kelaaf te Parnasree Police Station te hala korishe. BJP para koishe ke, party khan para Behala jaga te Bollywood superstar nemite door-to-door campaign jaboli hokom mangkina thakishe hoilebi city police para roadshow toh cancelled kori thishe. “etu oper te Bollywood superstar para door-to-door campaign jaboli toh last samai te mana kori thishe,” koikena BJP party khan para janai thishe. Kolkata Police khan para etu kotha oper te jawab thiboli eku kotha kownai. Olop thaka beche te BJP candidate para tai laga constituency te roadshow korishe, hoilebi etu samai National Award-winning actor toh thaka nai. Actor-para-BJP candidatehowa para toh TMC heavyweight aro West Bengal minister Partha Chatterjee logot election keliboli ase. “ami khan Mithun Chakraborty laga programme oper te eku koriboli nai. Ami khan jani ase ke TMC para Behala manuh ke motob korikena ase. BJP candidate toh drama kori ase,” koikena ruling party leader para janaishe. Hoilebi Mr Chakraborty para Tollygunj constituency te Union minister and BJP’s candidate Babul Supriyo nemite roadshow korishe koishe.