Kohima, 08 April: Konyak Nagas majote first ordained Minister, Reverend L. Mankap Konyak toh Wednesday afternoon te Tamlu bosti te morise. Tai laga omar 99 thakise. Naga People’s Front (NPF), Mon Division para Rev L. Mankap mora nemite modukh janaishe.
Rev. Mankap toh sal 1922 te jonom powa thakise aro April 7th, 2021 (Wednesday) te morise.
NPF Mon Division para condolence message te Rev. L. Mankap Konyak mora jani kena ektum mondukh howa aro bekha janaishe aro koise, Rev. Mankap toh Konyak community te he nahoi kena Nagas majote most prominent figure ase aro tai field of socio-religious aro political arena te architect of modern Konyak society hisab te community thek bonai kena charise koise.
Aro koise, Rev. Mankap toh Konyak tribe majote first ordained minister aro Christian missionary thakise aro Konyak Baptist Bumeinok Bangjum (Mission & Evangelism secretary nemite kaam korise) Konyak Students’ Union (1950s te President nemite kaam korise) aro Konyak Union laga founding member thakise koise.
NPF, Mon Division para Rev. Mankap Konyak laga family ke bekha aro mondukh howa janaishe aro sorgot te kothom nahowa shanti nemite prathana korise.
Add Comment