India:UN Trust Fund te $500,000 dishe

United Nations: United Nations Trust Fund for Counter-Terrorism nemite India para aro extra $500,000 thishe. India etu deya toh UN office para terrorism oper te  larai koriboli nemite ase koishe. India para koishe ke, UN office logot aro melikena kam kora te terrorism logot larai kora te kamyaab thakibo. “Indai para UN Trust Fund for Counter-Terrorism nemite USD 500,000 deya toh besi kushi ase,” koikena India laga Permanent Mission para janaishe. Etu poisa melaile toh India para itya dak $1.05 million thikena ase. General Assembly resolution 71/291 hesab te UNOCT toh June 2017 saak te bona ase aro etu samai UN Trust Fund for Counter-Terrorism toh UNOCT te tranfer hoishe. UN Trust Fund for Counter-Terrorism toh 2009 saal te Secretary-General para bonaishe. Etu samai funds toh UNOCT’s programme kam, technical assistance aro capacity building para Member States logot motob korikena United Nations Counter-Terrorism Centre (UNCCT) aro Special Projects & Innovation Branch (SPIB) nemite te ase, koikena website para janaishe. December 2019 saal te UNOCT hath te $236 million paikena ase aro etu 31 donors khan para Trust Fund for Counter-Terrorism nemite thishe. Etu poisa pithor te $163.4 million toh cash paishe aro dosura baki poisa toh aha din te paboli ase koishe. UN Office of Counter-Terrorism toh 2017 saal te bonaishe, Global Counter-Terrorism Coordination nemite ase aro UN Global Counter-Terrorism Strategy toh balanced thakiboli koishe. United Nations counter-terrorism capacity-building te Member States ke tangor motob korishe aro visibility, advocacy aro resource bhal hoikena United Nations counter-terrorism oper te kam koriboli ase janaishe.