Bangladesh Army ke 1 Lakh Covid Vaccines dishe

Dhaka: Thursday din te Indian Army chief General MM Naravane para Bangladeshi counterpart General Aziz Ahmed logot 100,000 COVID-19 vaccines thishe, etu nemite General Aziz Ahmed para India ke besi tangor dunyawad korishe aro tuita(2) desh melikena coronavirus bemari logot larai koriboli janaishe. General Naravane ke General Ahmed para invite kora nemite Dhaka visit korishe. Tai para Bangladesh visit kora toh olop din akhe te Prime Minister Narendra Modi be Bangladesh te jaikena ahishe. Meeting kora samai, tuita(2) generals para armed forces pithor te aha din nemite melikena thakiboli kotha koishe, koikena Dhaka Tribune para khobor toh janaishe. Border Road Organisation, Army pilots training,  defence experts aro trainers putli hoboli aro defence te melikena thakibo nemite kotha korishe. Gen Naravane para Bangladesh Gen Ahmed logot 100,000 COVID-19 vaccines thishe. Gen Aziz para Dhaka te COVID-19 bemari oper te larai kora thaka samai India para motob deya nemite besi kushi junaishe, koikena khobor para janaishe. Gen Aziz logot besas ase ke, Rohingya manuh nemite tangor bapana thaka toh India para Bangladesh logot motob thibo koishe. Olop din akhe te, Gen Naravane para Bangladesh 1971 Liberation War samai jawan khan mora te saman korishe aro etu samai desh te 5 din nemite ahikena tuita (2) Armed Forces melikena thakibo nemite besi tangor kotha koikena jaishe. 2021, saal toh India-Bangladesh diplomatic relations thakina 50 saal anniversary manaishe. Etu din te Pakistan desh para Bangladesh khan azad(freedom) paishe aro etu oper te ”Bangabandhu” Sheikh Mujibur Rahman laga jonom din centenary manaishe, koikena khobor papa janaishe.