New Delhi: March moina pithor te Delhi laga Sir Gangaram Hospital te komti hoilebi 37 doctors logot Covid-19 positive test paikena ase. Etu doctors pithor te senior, junior aro resident doctors khan ase. Tai khan logot mild symptoms paishe aro halat toh danger te nai. Etu doctors sob ke tuita(2) vaccine doses thikena ase. Etu hafta pithor te, Lucknow’s King George’s Medical University te 40 doctors neshina ke virus bemari toh thurishe. Doctors besi wala toh tuita(2) coronavirus vaccine loikena ase. Thursday din Delhi te notun 7,437 COVID-19 cases recorded korishe, etu saal majot te 1 din pithor te sobse besi cases ase, etu samai 24 manuh coronavirus bemari para morishe, sob melaikena manuh mora toh 11,157 hoikena ase. Delhi te itya dak, 1 din pithor te 8,593 cases thura toh November 11 darik te thakishe, November 19 darik city te 131 manuh COVID-19 bemar para morishe, etu number te bemari soruh howa beche 1 din pithor te sobse manuh besi mora khobor ase.
Add Comment