Tirap te 2 NSCN (R) cadres thurishe

April 10, 2021. Friday din Arunachal Pradesh laga Tirap district te Security forces para hardcore tuita(2) NSCN (R) cadres thuirshe koishe. Assam Rifles aro Arunachal Pradesh police melikena operation samai etu NSCN(R) cadres khan ke thurishe koishe. “ami khan para tui(2) jun NSCN(R) laga overground workers thurishe. Tai laga hath para bantok aro goole be paishe,” koikena police official para khobor toh janaishe. Etu samai security forces para 1 jun ke thuriboli kora te, tai para security forces logot grenade pela-boli korishe hoilebi kamyaab howa nai. “Tirap jaga te ami khan melikena operation kori ase jodi etu pithor manuh khan thakile. NSCN(R) khan para etu jaga te besi moina akhe para business manuh khan logot poisa otha khobor paikena ase,” etu khobor toh Assam Rifles official para koishe. Monday din te, security forces para Arunachal Pradesh laga Changlang district, Kangkho jaga para NSCN(R) cadre thurikena ase.