Mizoram Govt para churches aro NGOs logot meeting

April 10, 2021. India te COVID-19 second wave thaka samai, Mizoram Government para state te churches aro NGOs khan ke virus bemari spread hoi thaka nemite rokaboli koishe. Mizoram Health minister Dr Lalthangliana para churches, NGOs aro local volunteers khan logot state te COVID-19 rokaboli kam tangor koriboli janaishe, keli koile March moina para loikena Mizoram te COVID-19 cases toh besi othi-ase. Wednesday din Mizoram Health minister Dr Lalthangliana para churches, NGOs, Mizoram Village Council Association aro Aizawl City Local Council Association laga representatives khan logot COVID-19 cases besi joldi otha nemite kotha korishe. Tai para leaders khan logot melikena kam koriboli aro jodi te situation besi beya nahowa akhe te hoshari kam koriboli janaishe, koikena Mizoram Health Department laga statement hesab te janaishe. Mizoram Health minister Dr Lalthangliana para koishe ke, Mizoram te COVID-19 protocols komti kora nemite itya cases toh aro besi othi ase koishe. Tai aro koishe ke, April moina laga 1^st hafta te komti hoilebi 32 COVID-19 positive cases khobor ase aro besi wala toh dosura state para aha manuh logot thurishe. “COVID-19 cases othi-thaka nemite, itya ami khan laga state te halta toh koboli dukh ase,” koikena Dr Lalthangliana para janaishe. Mizoram Health Minister aro churches aro NGOs representatives pithor te meeting samai rati samai curfew thakiboli fesla loishe, etu oper te church service, sports activities, aro Myanmar national kuan khan olop din akhe state te ahikena ase tai khan ke screening loboli kotha koishe. Meeting samai Mizoram Government para jodi te COVID-19 cases besi otha nemite notun Stand Operating Procedure (SOP) bonaboli fesla korishe.