April 12, 2021. State te notun Covid-19 caes besi powa nemite aro Lakhimpur districts te halat beya jai thaka nemite district administration para Section 144 CrPC, 1973 laga hokom toh juanai thishe. Order vide No LMJ/12/2020/99, April 9 darik te issue kora te Lakhimpur deputy commissioner Khargeswar Pegu aro district administration para public khan aha-jowa koriboli mana korishe. Deputy commissioner laga order hesab te, public jaga neshina- kam kora jaga, offices, markets, public aro private transport te manuh sob para mask lakaikena social distance toh maniboli janaishe. Order para aro public jaga te duk phelaboli mana korishe. District administration para government aro non-government institutions, business places, shops, hotels aro restaurants te thermal scanners, sanitizers toh entry point sob jaga te thakiboli koishe. Etu hokom namana khan toh Assam Disaster Management Act, 2005, Section 50-60 pithor te sajai bapo koikena order te janaishe. Olop din akhe North Lakhimpur town laga hotel ekta te bahar state para Assam te aha logot Covid-19 positive thura nemite Lakhimpur district administration para hotel toh bondh korishe. Maple Leaf Hotel toh Lakhimpur district administration para bondh korishe, etu samai New Delhi para aha manuh logot Covid-19 positive paishe. Etu manuh toh New Delhi te Covid-19 test toh loishe aro etu beche tai laga report toh North Lakhimpur Medical College Hospital te report toh paishe. April 6 darik te, guest ekta hotel te dosura state para aha logot Covid-19 positive thurishe. Etu hotel laga staff manuh sob ke RT-PCR test korishe aro report naha dak hotel para bahar te jaboli mana korishe. Lakhimpur district administration para koishe, Lilabari Airport te manuh khan logot Rapid Antigen Test (RAT) loboli mandatory ase koikena khobor toh junaishe.
Add Comment