Nagaland • Peren

Tovihoti para Peren Electrical Division laga notun Office Building inaugurate kori

April 12, 2021
36 Views

Peren, 12 April: Advisor for Power department, Government of Nagaland, H. Tovihoto Ayemi para April 12th, 2021 te Notun District Headquarter te Executive Engineer (E), Peren Electrical Division nemite Notun Office Building inaugurate korise.

  1. Tovihoto Ayemi para speech te sob manu khan public nemtie notun spirit aro interest te kaam koribole koise. Tai para manu khan ke properties te care koribole koise. Building toh Executive Engineer offices majote ektum notun aro thek ase koise. Ayemi para Nagas toh multi-race ase aro ami khan phal para melikena thakibole lakiya koise. Tai para be Peren district laga manu khan developmental activitirs nemtie Advisor Namri Nchang logote melibole koise.

Advisor for Water Resources, Government of Nagaland Namri Nchang para power chor hobole nemite hosiyar janaishe aro manu khan ke appeal korise educate hobole aro power thek para jolabole nemite. Tening para MLA be department ke SDO Power office bonabole koise.

Chief Engineer (D & R), Er Moa Aier para short speech te notun office building toh thek jaga te thakise koise aro best designed ase koise. Tai para power te revenue logote agae development nemite public laga cooperation lakiya janaishe.

Principal Secretary of Power, K.D. Vizo para Nagaland te sustainable development goals laki koise aro private enterprises khan agae ahibole mondangor korise. Principal Secretary para be tusara power solar aro wind generation nesana nemite suggest korise.

Additional Chief Engineer (Civil) Er Visakho Therie para technical report te building bonai kothom koribole nemite 32 moina lakise koise aro etu toh 3.11 crores daam te bona janaishe.

Agae te, Additional Chief Engineer (T & G) para welcome address deya thakise. Er Tiameren Walling, Additional Chief Engineer (D & R) toh programme te chaired thakise aro Keyipeisile Herie para special number perform kora thakise. Dhanyabad kotha Er Tsiamchi Ndang, Executive Engineer (E) para koise.

Programme te Neiba Ndang former Speaker, Deputy Commissioner Peren, Additional Superintendent of Police aro district te alak alak departments laga head officer aro public leaders thakise.