Meghalaya te Covid-19 test mandatory

April 13, 2021. India te COVID-19 cases besi otha nemite, Meghalaya government para Northeast laga bahar state para visitors aha khan ke test reports mandatory thakibo koishe. Friday din te state government para notification te koishe, Meghalaya para North East bahar manuh khan ke RT-PCR, CBNAAT nahoile TrueNat negative certificates lakibo nahoile etu samai entry points te test lowa laga poisa thibo lakibo koishe. Northeast state para aha manuh ke rapid antigen tests (RATs) lakibo. “entry kora jaga sob te testing aro checking toh kara koribo,” koikena Meghalaya chief secretary MS Rao para notification te janaishe. Bus aro tourist taxi drivers khan logot samai-samai Polo Grounds te RATs test toh lobo aro shops, restaurants aro bars toh 9pm dak te bondh koriboli lage, koikena order te aro janaishe. Garo Hills te autonomous district council elections lowa beche manuh jama kora toh 50 per te aro lamai thibo koishe. Chief Secretary para aro koishe ke, Shillong,  Tura, Nongpoh, Jowai, Resubelpara aro Khliehriat te Corona Care Centres te health care workers khan toh aro tin(3) moina nemite thakiboli koishe. Etu samai, State government para aro kaun manuh public jaga te face mask nalakabo Rs 500 fine thaka toh Rs 1000 fine koribo koishe. Notification te aro kowa toh itya vaccination drive jai thaka laga kotha koishe aro private health institutions khan ke kam toh joldi korikena jaboli janaishe.