Kohima, 13 April: Alumni PG Women’s Hostel te Kohima Science College (KSC) laga 40 Post Graduate students rakhibole capacity thaka toh KSC laga first maike Doctor, Dr. Joyce Zinyu Angami para Kohima Science College Campus jaga te April 13th, 2021 te inaugurate korise.
Hostel toh Alumni Association Kohima Science College, Jotsoma para bonaishe.
Dr. Joyce Zinyu Angami para Hostel inaugurate kora samai Hostel bona kothom kora toh project te mela sob nemite sabona hosha howa laga ase koise. Tai para be hostel toh academic excellence powa jaga ekala nahoi kena safety, peace aro serenity jaga hobole bhabona janaishe.
Principal, KSC, Dr. Lily para etiya Kohima Science College te jarta hotels ase koise. Tinta modal aga hotel aro ekta maike laga hotel aro sob melikena 320 students capacity logote ase koise. Tai para be 2016 para Choice Based Credit System lowa (adopt) bechite, College te besi students thaka dekhise koise.
Tai para etiya laga session te 2000 students registered ase aro maike students toh total students laga 65% ase koise. Tai para be Hostel bonai kothom howa para College nemite ektum dangor aram hobole ase koise kelay koile besi phak students toh economicially komchor section para howa nemite.
Dr. Lily para Alumni Association te tai khan laga motob aro support nemtie dhanyabad janaishe aro College te agae development aro improvement nemite tai khan laga support thaki thakibole nemite janaishe.
general Secretary, Alumni Association, Avelu Ruho para hostel bona opor te janaideya thakise.
Reverend John Kamei pra Hostel nemtie dedicatory prathana kora thakise aro inaugural programme te President, Alumni Association, Dr. N. Renthungo Jungio para chaired thakise.
Add Comment