April 14, 2021. India te COVID-19 second wave toh besi beya para jai ase. Monday din te India toh duniyaa pithor te 2nd sobse beya bemari thaka desh hoishe. India para Brazil logot akhe te jaishe. COVID-19 positive cases laga number otha samai, manuh mora toh be besi othi ase. Tuesday din India te 161,736 notun bemari cases aro 879 manuh mora khobor thakishe. India pithor te sobse beya states te manuh mora jaga te kam toh overtime kori ase. Mora manuh besi howa nemite kam kora manuh khan hotai din besi dukh para kam kori ase. Mora manuh laga ghor manuh khan para 4 nahoile 6 gonda neshina tai khan laga ghor manuh body toh pelaboli rokiboli olai koishe. Mora manuh sai thaka laga administration khan pithor te besi phui ase keli koile, COVID-19 situation toh aro besi beya jaboli neshina bapana te ase. Chhattisgarh toh sobse beya state ekta ase, etu state laga capital Raipur te Covid-19 bemar para mora body pelaboli nemite notun 14 centres kulishe. Monday din te, social media video te hospital te mora manuh laga body toh besi thikaishe. Sunday din, social media te Covid-19 bemari para manuh mora body toh Raipur laga Ambedkar Hospital te line korikena thikishe, etu nemite halta toh besi beya jai ase koishe. Etu neshina halat toh state neshina Maharashtra, Chhattisgarh aro Delhi te be besi beya para jai ase. Tuesday din India te 1,61,736 notun Covid-19 cases khobor paishe, etu melaikena 1,36,89,453 bemari cases hoishe, koikena Health Ministry para khobor toh update korishe. 24 gonda pithor te 879 manuh morishe aro itya dak 1,71,058 manuh morikena ase.
Add Comment