Sikkim te weekends samai dukan bondh koribo

GANGTOK: Sikkim te April moina pura samai, market jaga te dukan toh Saturday aro Sunday din te bondh thakibo koikena Home Department para etu khobor toh junaishe. Hoilebi, pharmacies aro essential items neshina vegetables aro rations dukan toh etu order pithor te kulibo. “dukan sob Saturday aro Sunday te bondh thakibo, kali medical dukan, ration aro vegetable dukan toh bazaar osor te kulibo. Etu order toh 30.04.2021 dak jaboli ase,” koikena order te janaishe. Etu order pithor te, restrictions toh social, political aro religious jaga te manuh jama nahoboli toh April 17 darik para soruh koribo. “manuh khan jaga te 50 jun oper jama nakoribo,” order te aro koishe. Etu neshina manuh jama kora jaga te COVID hoshari neum toh jolabo. State government para Rangpo aro Melli check-posts te tourists khan nemite Rapid Antigen Testing (RAT) facilities toh rakiboli ase koishe.