NEW YORK: Pfizer’s CEO Albert Bourla para Thursday te koikena janaishe ki COVID-19 vaccine recipients toh third dose toh lagibole nishena ase etu bi choi nohoile barah moi na majhotte etu bi tai khan vaccine pura puri paa pichede aro koikena janaishe coronavirus laga vaccination toh hudai sal lagibo pareh.
The Hill, kuwa hisaab te Bourla para etu kotha ola toh CNBC’s Bertha Coombs CVS Health event samay te kurishe aro etu uporte tai para koikena janaidiya thakishe current data hisaab te hobole nishena ase etu te covid 19 vaccine ase patients khan ke hudai sal diya toh.Bourla para koikena janaishe etu toh sabole nishena ase keeman joldi etu potential additional vaccines khan toh dibo.
Tai para event te koikena janaishe The Hill para kuwa hisaab te”etu toh hobole laga nishena ase aro third dose lagibole nishena ase choi nohoile barah moina pichede.aro etu pichede annual revaccination thakibo.”
Tai para koikena aro janaidiya thakishe’hoilebi etu sobh toh confirmed kuriena aro bi ekbar etu variants khan toh ekta key role play kurin ase.etu toh important ase etu manu laga pool toh komti kuribole nimete etu virus nimete kile koile toh taikhan ke high efficacy vaccines para vaccine kuri ase.
Etu moina olop akhe Pfizer khan German partner BioNTech, logote tai khan laga vaccine toh 91 percent effective ase komti hoilebi choi moina te second dose pichede.
Tai para koikena janaidiya thakishe choi moina laga data te dikhaishe bishi waala protection covid19 para lagi thakishe aro koikena janaishe protection toh namikena thakishe etu samay para.
Health officials paera poila te kotha kurishe public khan booster laga toh covid19 shots nimete.
The Hill, kuwa hisaab te Pfizer and BioNTech toh akhe te koikena janaishe etu sal tai khan third dose vaccine laga test kuri ase covid19 variants uporte kuntu toh pura duniya te phelishe.
Peter Marks, the director of the Food and Drug Administration’s Center for Biologics Evaluation and Research, para koikena janaishe American Medical Association webinar luwa samay te officials khan bhabona kurishe etu protection toh komti hoilebi nou moina tak chulibo.
Tai para koikena janaidiya thakishe etu toh hobole pareh hoilebi ami khan najanikena ase nou moina akhe te ami khan logote boosters khan laga toh hoilebi ami khan etu toh bhal para janibo ek moina te ami khan bishi pabole nimete tai khan laga samay te.”
Add Comment