Agencies, 30 September: Sunday deh India’s Deepika Kumari pora Lisa Unruh logode haraide kena Archery World Cup Finals de bronze medal jetise. Five sets kothom howah time de tuita khelari be 5-5 pora draw howah thakise. Kumari aro Unruh pora be 9 mara thakise. Hoilebe Kumari pora bronze jeta toh tai laga arrow center osor de pongja pora ase. Etu toh Kumari’s nemide fifth World Cup Finals podium ase. World Cup Finals de Kumari toh jarta silver medals pora shoot-off de top olaise. Kumari pora coach na-thaki kena dangor competition khela toh first time ase koise. Hoilebe tai ektum kushi pai ase koise. Aro competition keman gara hobo, etu nesana ami khan be gara hobo koise. Saturday de World Cup Final laga men’s compound event de Abhishek Verma pora bronze jeta thakise. Etu agae de, third-seeded Kumari pora Chinese Taipei eighth seed Lei Chien-Ying logode 6-4 pora jeti kena campaign suru kora thakise. Tai khali ekta match hara toh Yasemin Anagoz logode semifinal de hara thakise.
World Cup Finals de Deepika Kumari pora bronze jetise
Add Comment