UP Panchayat Elections: 2 Ballot Boxes chori hoishe

Agra: Thursday din Uttar Pradesh panchayat elections samai Agra Rural constituency laga Rihawali bosti te tuita(2) ballot boxes chori hoishe koikena police para khobor toh janaishe. SP (East) Ashok Venkat para koishe ke, gram pradhan post nemite candidates laga supporters khan pithor te jamila olaishe aro etu beche larai korishe, etu samai tui(2) ballot box chori hoishe. SP (East) Ashok Venkat para koishe, candidates khan gram pradhan post nemite larai kora te supporters kahn pithor te jamila olai thaka samai tuita(2) ballot box toh harishe. Etu larai kora te 4 jun manuh jokom paishe aro tai khan ke SN Medical College aro Hospital te elaj nemite loikena jaishe, tai para koishe. SSP (Agra) Muniraj para reporters logot koishe ke, itya dak te larai kora nemite 8 jun manuh ke thurikena ase aro investigation jai-ase koishe. Etu samai, District Magistrate Prabhu Narayan Singh para koishe ke, jamila ola jaga polling booth te re-poll koribo nemite resquest koribo. “booth beya howa jaga te re-poll nemite request koribo aro kalti thaka manuh khan oper te action lobo,” tai koishe. Uttar Pradesh panchayat elections nemite four-phased te 1^st voting toh 2022 Assembly election nemite semi-final neshina ase aro Thursday din para 18 districts te ballot papers te vote deya soruh hoishe. Zila panchayat (district council) members, kshetra (block) panchayat members, village panchayat heads aro wards laga posts te 2.21 lakh seats oper ase aro etu nemite  3.33 lakh oper candidates khan para 1^st phase samai poll loboli ase koishe.