April 18, 2021. Saturday din Jharkhand High Court para RJD president aro Bihar laga purana chief minister Lalu Yadav oper te fodder scam te linked thaka case te bail para olaboli nemite manishe. Lalu Yadav toh itya samai AIIMS Delhi te elaj kori ase aro tai toh hospital para ketai olabo jail bahar te thakibo koishe. Court para tai ke Dumka treasury case te bail manishe. Tai toh Jharkhand’s Dumka, treasury para poisa 3.13 crore ola te thurikena thakishe. Tai ke bail toh Justice Aparesh Kumar Singh para manishe. Court para koishe ke, bail te thaka samai, tai court laga hokom naloikena desh bahar jaboli naparibo aro tai ke address aro mobile number putli nakoriboli janaishe. “bench ekta justice Aparesh Kumar Singh para loikena Lalu Yadav oper te tuita(2) sureties pithor te 1 lakh aro Rs 10 lakh fine court logot thibo,” koikena CBI’s counsel aro assistant solicitor general Rajiv Sinha para janaishe. Bihar laga purana CM ke fodder scam nemite tinta(3) dosura cases te samil thakishe aro etu samai tai ke aro bail thishe. The 72 umer, veteran politician toh 2017 saal te jail paishe, hoilebi tai laga halat beya howa nemite hospital te besi wala bohi ahishe. Etu saal January moina te tai laga halat beya howa nemite Ranchi’s Rajendra Institute of Medical Sciences (RIMS) para AIIMS Delhi te loikena ahishe koishe. Special CBI court para Yadav ke fodder scam te 14 saal nemite jail thishe koishe.
RJD chief Lalu Yadav ke bail dishe
