April 18, 2021. India te covid positive cases besi othi-thaka nemite Northeast Frontier Railway (NFR) authorities para railway station pithor te aro train te jai thaka samai passengers khan para Covid-19 guidelines najolaile Rs 500 fine koriboli janaishe. Northeast Frontier Railway (NFR) para Assam health department logot sob railway stations te motob koribo koishe. State te passengers khan trains aro air para aha manuh sob ke test koriboli mandatory ase koishe. Railway authorities para passengers sob logot luggage komti thurikena face mask lakaina perai thaka samai train te social distancing jolaboli janaishe. Passengers sob ke aro Aarogya Setu application toh journey soruh nakora akhe te download koriboli koishe. Assam te 24 gonda pithor te sob melaikena 573 covid-19 positive test paishe, Kamrup (Metro) district ekla te 245 positive test paishe. Etu virus bemar para 4 jun notun mora khobor ase aro sob melaikena Assam te 1,127 manuh morikena ase. Assam te 2,22,940 positive cases pithor te 4,089 toh active cases ase koikena khobor para janaishe.
Add Comment