April 19, 2021. Mizoram te Serchhip Assembly seat nemite Saturday din laga bupoll toh 83 per cent oper te vote thishe koishe. Election din te disqualified kora, Zoram People’s Movement (ZPM) laga MLA Lalduhoma para tuita(2) dusman of ruling Mizo National Front (MNF) Vanlalzawma aro Congress laga PC Laltlansanga logot larai korishe. Election official para koishe ke, 7 pm dak te voting percentage toh 83.8 thakishe aro etu laga oper be jaboli pareh koikena khobor toh roki thakishe. Tai para aro koishe, polling toh 7am para soruh korikena 7 pm dak te shanty para kotom hoishe. Voting samai dosura jamila nahoile party pithor te larai kora khobor thaka nai, hoilebi konuba EVM putli korishe, keli koile sob election te etu kam toh hoi thaki, koikena tai para aro koishe. 176 voters neshina COvid-19 suspect thaka nahoile bemar manuh, senior citizens aro differently able manuh para postal ballots deya toh 167 vote thishe, tai koishe. Etu bypoll lowa toh hoile jowa saal November moina te MLA Lalduhoma ke anti-defection law pithor te disqualification kora nemite ase. Serchhip constituency te sob melaikena 19,520 electorates ase, etu pithor te 10,329 maiki manuh ase koishe. Official para koishe, etu pithor te 198 service voters ase. Etu samai, MNF’s nominee Vanlalzawma para koishe ke, ruling laga motob para tai bypoll te jetibo. Tai para aro koishe ke, Aizawl te tai laga party leadership te manuh khan para besi tangor motob korishe. Lalduhoma logot besas ase ke, tai para seat toh aro wabas lobo aro 2018 saal logot be besi tangor para jetibo koishe. Etu samai, Congress, BJP, People’s Conference aro independent candidate khan be etu poll te thakishe. Votes counting din toh May 2 darik te thakibo koishe.
Serchhip bypolls te 83 per cent vote dishe
