New Delhi: Delhi te Chandni Chowk market toh April 25 darik para bondh thakibo, India te COVID-19 cases besi otha nemite aro koikena, Sunday din traders association para junaishe. Khari Baoli Market laga Delhi Kirana Committee aro Chemical Merchant Association of Tilak Bazaar para be markets toh April 21 darik para bondh koribo koishe. “aji Chandni Chowk Sarv Vyapar Mandal te members logot emergency meeting korikena members khan ke tai khan laga dukan toh April 25 darik dak bondh koriboli fesla loishe, keli koile virus spread hoi thaka toh besi tangor jai thaka nemite. Aha Sunday din dak halat toh saikena ami khan para fesla koribo,” koikena Chandni Chowk traders body laga president, Sanjay Bhargava para statement te janaishe. Friday din te market associations khan para COVID-19 protocols toh kara para jolabo aro keli koile lockdown para kamyaab nahobo. Itya samai laga COVID-19 halat toh saikena, meetin toh tangor retail markets logot thakishe aro etu samai COVID-19 protocols toh din te aro rathi samai sob manuh para maniboli janaishe, keli koile rathi curfew aro lockdown ekla para kamyaab nahobo. 12 market associations laga join statement te fesla korishe ke, lockdown kora para eku bhal nahobo hoilebi manuh khan para itya halat toh saikena hoshari neum jolaboli koishe. Coronavirus bemari spread hoi thaka nemite curfew toh Friday rathi 10 pm te kotom hoishe aro Monday 5am para soruh hoishe koishe. Sunday din Delhi te 25,462 COVID-19 cases paishe, aji dak national capital te etu 1 din laga sobse besi cases thakishe, koikena Health Department laga data hesab te janaishe. Delhi te etu bemari para 161 manuh morikena ase aro bemari laga positive rate toh 29.74 per cent te othikena ase koishe.
Add Comment