Agencies, 19 April: NASA’s SpaceX Crew-2 mission nemite Flight Readiness Review (FRR) toh April 16, 2021 te kothom kora thakise. NASA’s SpaceX Crew-2 mission astronauts toh International Space Station (ISS) te April 22, 2021 para jabole plan ase. Tai khan toh Kennedy Space Center in Florida te Launch Complex 39A para 6.11 am EDT (3.41 pm IST) samai te jabo (liftoff).
Jowa sal November te, first operational NASA’s SpaceX Crew-1 mission to the International Space Station (ISS) toh kamiyab hoikena ISS te land howa thakise. Crew-1 para astronauts toh space te 164 din thaka bechite April 28, 2021 te korai ahibo.
NASA’s SpaceX Crew-2 Mission te jarta astronauts Shane Kimbrough, Megan McArthur, Akihiko Hoshide, aro Thomas Pesquet ase. Tai khan toh Crew Dragon spacecraft para International Space Station te jaa thakibo.
NASA astronauts Shane Kimbrough toh crew-2 mission laga commander ase aro Megan McArthur toh spacecraft laga pilot ase. Etu toh first NASA SpaceX mission ase aro etu te tuita international partner crew members- Japan Aerospace Exploration Agency (JAXA) laga Akihiko Hoshide aro European Space Agency (ESA) laga Thomas Pesquet toh mission specialists hisab te melishe.
Add Comment