GUWAHATI: Kamrup Metropolitan district para city pithor te students aro teachers logot COVID positive cases thura nemite tuita(2) schools sealed kori thishe. District administration laga tuita(2) alag-alag orders te Betkuchi te NPS International School aro Noonmati te Assam Jatiya Bidyalay laga authorities khan logot nejor laga institutions toh 7 din nemite Monday din para bondh koriboli janaishe. NPS International School laga students aro Assam Jatiya Bidyalay laga teachers khan ke COVID-19 positive tested thura nemite ase koishe. Dispur revenue circle laga circle officer ke etu jaga toh joldi te sealed koriboli junaishe. Unauthorised manuh aro gari toh kowa neshina jaga te peraboli itya para mana korikena ase. Etu order toh “Assam COVID-19 Regulations, 2020” pithor te janai thishe aro April 19, 2021, para April 25, 2021 dak thakibo. “etu samai order namanai khan toh ‘Assam COVID-19 Regulations, 2020’ aro ‘Disaster Management Act, 2005, Epidemic Disease Act, 1897’ aro dosura desh laga hokom’ hesab te saja pabo” koikena order para janaishe. Etu oper te, ketai Kamrup Metropolitan district laga joint director of health services para kam soruh koribo etu tuita(2) institutions laga school authorities khan ke students aro teachers logot COVID-19 tests loboli arrange koriboli koishe. Etu kam nemite, schools laga principals para school campuses bahar te alag jaga arrange koriboli janaishe.
Guwahati te tuita(2) schools sealed kori dishe
