April 20, 2021. Mizoram te 1 moina pithor te African Swine Fever (ASF) bemari para komti hoilebi 920 pigs morishe koishe. Animal Husbandry & Veterinary Department’s Joint Director Lalhmingthanga para koishe ke, African Swine Fever (ASF) bemari para 4 districts affected hoikena ase. Etu bemar toh 1st March 21 darik Bangladesh border osor Mizoram laga Lunglei district pithor Lungsen bosti te olaishe. Itya dak Lungsen bosti te 577 pigs morikena ase aro Lunglei town laga Electric Veng jaga te 32 morikena ase. Etu oper te Edenthar osor te 78 morishe aro Aizawl osor Armed Veng jaga te 74 morishe. Mamit district, Lalhmingthanga laga tinta(3) bosti te be 159 pigs mora khobor paishe. Lunglei district Lungsen, Mamit district Mamit aro Serchhip district Keitum jaga toh ‘bemari’ jaga ase koikena junaishe aro bemari toh rokabo nemite kam kori ase. Aizawl te tinta(3) jaga Bawngkawn, Armed Veng aro Edenthar toh be ‘bemari’ jaga junaishe. Lunglei town te Electric Veng, Salem Veng aro Rashhi Veng jaga toh be ‘bemari’ jaga ase koikena janaishe. African Swine Fever (ASF) toh besi beya bemari ase koishe.
Mizoram te African Swine para 920 gahori morishe
