Nilgiris Mountain Railway train cancelled hoishe

Coimbatore: Nilgiris district te second wave coronavirus bemari nemite tourism kam etu moina dak suspended thaka para Railways para Nilgiris Mountain Railway (NMR) services toh April 21 darik para cancel koriboli fesla loishe. Nilgiris Mountain Railway (NMR) toh Mettupalayam laga sobse tangor tourist attract jaga ase aro etu Udhagamandalam para 40 Kms jaikena ase. Etu oper te foreign tourists khan besi ahi thaki koishe. District te Covid-19 cases besi othi-thaka nemite, administration para tangor tourist jaga neshina Government Botanical gardens, Mudumalai Tiger Reserve, SIM’s park, Ooty lake toh April 30 darik dak bondh koribo, hoilebi district borders toh kula thakibo koishe. Kaun manuh khan medical elaj nemite valid documents ase tai khan ke jaboli thibo aro essential services nemite be kula thakibo, etu samai officials khan strict thakibo. NMR te tickets booking kora te passengers khan COVID-19 second wave phui nemite komti thakishe, koikena railway para khobor toh janaishe.