Air India aro UK pithor te flights Cancel

New Delhi: COVID-19 bemari cases otha nemite, Air India para tai khan laga flights sob United Kingdom te aha-jowa kori thaka toh April 24 para 30 darik dak cancelled korishe. United Kingdom para India ke “red list” te thali deya nemite ase koishe. Statement te Air India para koishe ke, “Passengers kaun khan India aro UK pithor te jaboli thaka toh UK para restrictions junai deya te, flights UK dak aha-jowa toh April 24 para loikena April 30 darik dak cancelled koishe.”Etu nemite peraboli darik, refunds aro waivers toh olop din thaka beche janai thiboli koishe. Aro koishe ke, April 24 aro April 30 darik majot te hafta te 1 paar Delhi aro Mumbai para United Kingdom dak jaboli kam kori ase,m” koishe. Etu laga khobor nemite Air India laga website aro social media channels te janai thibo, koikena tai khan para aro koishe. “24th aro 30th April ’21 majot te UK dak Delhi  aro Mumbai para hafta te 1 paar jaboli kam toh sai ase, etu laga khobor toh be website aro social media channels te janai thibo,” Air India (@airindiain para koishe. Monday din te UK health minister Matt Hancock para koishe ke, United Kingdom para India ke “red list” te hoshari neum nemite rakishe, keli koile India laga coronavirus bemari cases toh 103 cases thurishe. India te British High Commission para koishe, etu fesla lowa toh bemar spread hoi thaka toh rokaboli aro manuh ke pajaikena rakibo nemite ase koikena janaishe.