April 22, 2021. Northeast Frontier Railway (NFR) para fesla korishe ke, hafta te ek paar special train Dibrugarh aro Silchar pithor, ekta Shatabdi Special- New Jalpaiguri aro Howrah pithor aro dosura special train toh Katihar- Amritsar pithor hafta te tin(3) paar perabo koishe. Dibrugarh – Silchar weekly express special train toh hotai Saturday May 1 darik para Dibrugarh para 9:55 pm te jaribo aro Silchar 11 am ponchibo. Silchar – Dibrugarh weekly express special toh hotai Sunday May 2 darik para Silchar 2 pm jarikena aha din Dibrugarh 4:05 am ponchibo. Katihar – Amritsar express special toh hafta te tin(3) paar Monday, Wednesday, aro Friday din April 30 darik te soruh hoikena Katihar10:45 pm jaribo aro tin(3) din wala Amritsar 12:20 pm ponchibo. Amritsar – Katihar express special toh be hafta te tin(3) paar Thursday, Saturday, aro Monday din May 3 darik para Amritsar te 8:25 am jaribo aro aha din Katihar 10:10 am ponchibo. Shatabdi Special Jalpaiguri – Howrah Shatabdi Special train toh New Jalpaiguri para 5:30 am jaribo aro Howrah1:35 pm ponchibo. Howrah – New Jalpaiguri Shatabdi Special train toh Howrah para 2:15 pm jaribo aro New Jalpaiguri 10:35 pm ponchibo. Etu train toh hafta te tin(3) paar Monday, Wednesday aro Friday te April 28 darik para soruh hobo. Details khobor neshina rokiboli jaga aro samai toh NFR’s website te paijaboli koishe.
