April 22, 2021. Assam Congress laga 40 candidates neshina Guwahati osor Sonapur, Dichang Resort te jaishe koishe. Dichang Resort te khan oper te Rupjyoti Kurmi, Wajed Ali Choudhuri aro Siddique Ahmed be samil ase. Thursday din te Senior Congress leader Debabrata Saikia be Dichang Resort pongchise koishe. Debabrata Saikia para koishe ke, Congress leaders khan etu resort te aha toh eke logot lok koribo nemite ase. Assam Congress president Ripun Bora toh Dichang Resort te Wednesday sham pongchise aro itya tai para candidates khan loikena jaboli bapana ase. Assam Assembly elections laga result toh May 2 daik te olaboli ase. Congress candidates khan ke Dichang resort te loikena jaa toh hoile May 2 darik vote count kora samai hoshari nemite ase. Khobor hesab te aro dosura partner Bodoland People’s Front (BPF) laga Mahajot toh be BJP manuh logot phui thaka nemite nejana jaga ekta loikena jaishe koishe. Guwahati te alag-alag media khobor hesab te, BPF candidates logot Bodoland Territorial Council (BTC) laga 16 elected members khan toh Bhutan aro Singapore te jaikena ase koishe. 126-member Assam assembly laga tinta(3) phase elections toh March 27, April 1 aro April 6 darik te loikena ase aro result toh May 2 darik te olaboli ase koishe.
