April 22, 2021. Chakma Autonomous District Council (CADC) te tin(3) paar member thaka ruling Mizo National Front (MNF) laga Mohan Chakma ke Wednesday din notun council chairman junaishe, tai logot larai kora manuh thaka nemite unopposed hoishe, koikena Mizoram te offcials para janaishe. March 26 darik te Chairman H Amaresh Chakma ke council laga budget session samai no-confidence motion para hatai deya nemite Mohan Chakma ke junishe. Tuesday din chairman post nemite nomination file korishe aro Wednesday din te election loboli thakishe, hoilebi etu samai Mohan Chakma toh ekla candidate thaka nemite etu hesab te Wednesday te tai ke uncontested junishe, koikeana officials para janaishe. April 2018 saal council polls samai, Chakma toh Parva constituency para 3 paar term wala kamyab hoishe. Jowa paar tuita(2) terms te tai executive member thakishe. Etu samai Mohan Chakma office te aha beche, deputy chairman Mohesh Boran Chakma para resign korishe. MNF laga khobor kora manuh para koishe, deputy chairman para resign kora toh ‘voluntary’ korishe. “tai logot dosura kam thaka nemite resign kora ase,” koikena khobor para janaishe. CADC toh Mizoram te south-western jaga te thaka manuh khan nemite CADC toh 1972 saal te bonaishe. Tai khan laga headquaters toh Mizoram’s Lawngtlai district Chawngte (Kamalanager) te ase koishe.
Chakma Autonomous District Council notun Chairman junishe
