New Delhi: Wednesday din te France aro India te aro 4 Rafale fighter jets pongchise koikena Indain Air Force para janaishe. “Merignac Air Base, France para direct soruh koikena India te April 21 darik pongchise. Fighters khan toh 8,000 Kms neshina air-to-air fuel thalikena @Armee_de_lair aro UAE AF para motob korishe. Indian Air Force para tuita(2) Air Forces ke motob kora nemite dunyawad janaishe,” IAF para koishe. Olop din akhe te Air Staff Air Chief Marshal, RKS Bhadauria para India laga 4 Rafale fighter jets toh France para flagged korishe. Air Chief Marshal Bhadauria para France te 5 din visit kora samai Rafale aircraft training facility toh tin(3) wala te visit korishe. Tai para aro French aerospace industry logot thik samai te jets pongchai deya nemite kushi junaishe. “Air Chief Mshl RKS Bhadauria para France te official tour samai pilots aro Rafales laga next batch logot India te aha samai narokina French Air force aro UAE para motob kora nemite kushi janaishe. “France logot kushi ase aro FASF aro French Industry papa thik samai COVID bemari thakilebi poncha toh besi kushi ase, koikena France te Indian embassy para janaishe. Indian embassy para keman aircraft toh IAF Chief para jarishe etu khobor toh kowa nai, hoilebi etu samai thaka manuh khan para koishe ke, 4 jets toh notun batch nemite France’s Merignac airbase para jarishe. India para inter-governmental agreement pithor te France logot september 2016 saal te 36 Rafale fighter jets toh Rs 58,000 crore para keniboli agreement korikena thakishe. Itya dak te IAF te 14 Rafale jets jalo ase aro etu notun batch pongchile 18 hobo koishe. 1st batch samai India te jowa saal July 29 darik te 5 Rafale jets ahishe. Tuesday din te Air Chief Marshal Bhadauria para Chief of Staff of French Air & Space Force (FASF) Gen Philippe logot kotha koikena tuita(2) desh pithor te aro melikena thakiboli fesla loishe.
Add Comment