Canada para India flights bondh

Ottawa, Canada: Thursday din te Canada para India aro Pakistan para aha passenger flights sob 30 din nemite bondh korishe koikena, Transportation Minister Omar Alghabra para junai thishe. Etu tuita(2) desh para aha passengers logot Covid-19 cases besi thura nemite ase koishe. “Canada te India aro Pakistan para aha passengers khan logot Covid-19 cases thura nemite, aji para commercial aro private passenger flights toh 30 din nemite bondh korishe,” etu khobor toh Alghabra news conference te janaishe. “etu eke paar nemite aro, olop din beche halat toh saikena aro kam koribo,” tai aro koishe. Etu restriction toh 11:30 pm Eastern Time Thursday (0330 GMT Friday) din para soruh koribo. India te “double mutant” super-spreader jai ase, ek din pithor te 3, 00,000 oper notun cases toh Thursday din paishe. Health Minister Patty Hajdu para koishe, sob melaikena Canada manuh logot 1.8 per cent coronavirus positive tests paishe. Etu samai, olop din akhe Canada te India manuh logot 20 per cent thakishe. Positive tests pithor te atha toh etu jaga para aha khan logot thurishe. Tai para aro koishe, etu  neshina high level cases toh Pakistan logot be linked ase. Health Canada data hesab te, Delhi para 18 flights aro Lahore para tuita(2) toh olop hafta akhe te Toronto aro Vancouver te bemari toh manuh logot thurishe. Jowa saal December moina te Canada para Britain laga flights te Covid variant thura nemite bondh kori thishe. Thursday din te Parliament te voted korishe ke, government ke Covid bemar thaka jag ate non-essential flights toh bondh korili koishe, etu pithor te India aro Brazil samil ase. Alghabra para koishe ke, itya dak te Canada aro Brazil majot te flights nai. Etu hafta Brazil para be India laga manuh ahiboli bondh korishe aro France para junaishe ke, Indian manuh desh pithor te ahikena thaka khan ke 10 din quarantine koriboli janaishe. Canada te manuh aha khan logot 14 din quarantine te bohiboli mandatory koikena ase. Etu manuh khan laga hath te international flight te boha samai negative Covid test thikaboli koishe. 3^rd wave logot larai kora samai, Canada te itya 9,000 notun Covid-19 cases toh Thursday din te khobor paishe, etu melaikena 1,151,276 cases ase aro 23,812 manuh morikena ase koishe.