April 23, 2021. Thursday din Himalayan State Sikkim te COVID-19 bemari cases toh besi otha record thakishe. Thursday din Sikkim te notun 124 COVID-19 cases thurishe, itya dak State te 1 din pithor te sobse besi cases paishe. Sikkim te notun 124 COVID-19 cases thura te khobor hesab te East Sikkim district para 107 cases paishe. Dosura khobor ekta te North Sikkim aro South Sikkim districts te 14 cases registered kora te tinta(3) toh positive cases paishe. Etu notun 124 cases thura nemite, Sikkim te sob melaikena active COVID-19 cases tally toh 640 hoishe. 653 samples tests kora te etu notun 124 cases toh khobor paishe. Etu samai, Sikkim state te coronavirus caseload toh 6,970 hoikena ase. 53 umer maiki ek jun comorbidities thaka toh to COVID-19 bemar para morishe koishe. Etu mora khobor toh melaikena Sikkim te COVID-19 para manuh mora toh 137 hoishe. Itya dak te Sikkim te sob melaikena 89,211 COVID-19 samples toh tested korikena ase, koikena Sikkim laga IEC member, Sonam Bhutia para janaishe.
Sikkim: 1 din pithor sobse besi cases paishe
