April 24, 2021. Budget carrier IndiGo para hotai din Kolkata aro Shillong pithor te flights perai thaka toh Friday para soruh hoikena 8 din nemite suspend korishe. Airline para flight operations toh keli suspend korishe etu fesla toh janai deya nai. Hoilebi, khobor hesab te Shillong Airport authority para etu fesla lowa toh COVID-19 halat nemite ase koishe. “passengers sob logot janai ase ke, M/s Indigo Airlines @IndiGo6E, Shillong operations toh 23rd April para 30th April 2021 dak suspended hoishe,” koikena airport authority para Twitter te janaishe. Authority para passengers khan logot khobor loboli aro tai khan laga flights tickets refund nemite airline logot contact koriboli janaishe. Airline laga kali ekta flights toh Kolkata para Shillong dak perai thaka ase. IndoGO para flights operation toh COVID-19 bemari nemite 10 moina oper neshina bondh thakina aro etu saal February moina te soruh hoishe.
