Delhi de India aro Italy khelibo

New Delhi, 1 October: Davis Cup qualifier, Delhi pora India aro Italy khelibole laga de host koribole ase. Etu toh ahha-sal February de thakibole ase. February 1 de total 24 teams toh knockout Qualifiers de khelibole ase aro February 2 de 12 teams toh finals nemide khelibole ase. World Group Play-off de India toh Serbia logode harise. Hoilebe world rank laga 20 nemide final de khelibole chance ase. Etu sal quarterfinal de Italy toh hara thakise aro notun format laga hesab de, 2018 season laga khali four semifinalist aro tuita wild cards Argentina aro Britain he sitha koshibole pari kena ase. February de 12 jeta khan toh Madrid November 2019 laga 18-team Finals logode join hobole ase. Khobor hesab de, captain Mahesh Bhupathi toh grass de khelibole ase aro tai laga contract toh othaidebole chance ase koise. India Italy logode 21 sal bechide helibole ase. Last time etu tuita team toh 1998 sal de khela thakise. Etu time de Italy pora jeti lowah thakise.