Tripura: UG, PG semester exam postponed

April 26, 2021. Tripura University laga Under-graduate aro post-graduate courses semester exams toh sob postponed korishe, etu khobor toh Sunday din Tripura Higher Education Department para notification te janaishe. Exam postpone koriboli fesla lowa toh State te COVID-19 cases besi othi-thaka nemite ase koishe. “State te COVID-19 cases narokina othi-thaka nemite students laga safety aro security nemite State laga Higher Education Department para Under-graduate aro post-graduate courses semester exams aro State te private universities toh 26th April 2021 para postponed thakibo,” koikena notification te janaishe. Etu order toh itya para soruh hoishe. Etu samai, Tripura Board of Joint entrance examination (TJEE) para TJEE online registration last date toh 2021 para April 30, 2021 dak thakibo koishe. Etu fesla lowa nemite notice toh board’s official website te uploaded kori thishe. Olop din akhe te TJEE 2021 exams laga last date toh April 25, 2021 thakishe. Application aro payment nemite online submission toh April 5, 2021 para soruh hoikena thakishe. Itya Tripura te sob melaikena bemari cases toh 34,429 aro 627 active caes ase koishe.