April 26. 2021. Meghalaya laga tinta(3) jaga East Khasi Hills district, West Garo Hills district aro West Jaiñtia Hills district te oxygen generation plants bonaboli ase koishe. PM CARES Fund para funds toh manikena 551 dedicated Pressure Swing Adsorption (PSA) Medical Oxygen Generation Plants toh desh te public health facilities pithor te bonabo koishe. Sunday din te Prime Minister Narendra Modi para junaishe ke, dedicated oxygen generation plants toh district headquarters aro alag-alag states/Uts te identified government hospitals te bonabo koishe. PM Modi etu fesla lowa toh hoile, desh sob te oxygen komti howa nemite Covid19 positive cases besi othi-ase aro bemari manuh khan oxygen nemite besi jun morishe. Etu oxygen plants para tangor motob koribo aro district headquarters laga district level alag-alag states/Uts te identified government hospitals te oxygen toh paijabo koishe. Etu kam toh Ministry of Health aro Family Welfare para koribo. Etu saal olop din akhe te be PM CARES Fund para aro extra 162 dedicated Pressure Swing Adsorption (PSA) Medical Oxygen Generation Plants toh desh te public health facilities pithor te bonabo nemite Rs.201.58 crore dishe koishe. Etu laga sobse tangor bapana toh district headquarters te PSA Oxygen Generation Plants at government hospitals te public health system toh bhal hobo nemite ase aro oxygen komti nahobo nemite ase koishe. Disitrict hospitals te etu neshina oxygen generation facility toh hotai din nemite tayaar te thakibo nemite bonabo ase. Etu system para aro districts government hospitals te oxygen supplies toh ajanak komti nahoboli nemite aro Covid19 bemari manuh aro dosura bemari manuh khan dukh nahobo nemite oxygen toh hotai din nemite thakibo koishe.
Meghalaya te tinta(3) oxygen plant bonabo
