April 26, 2021. Mizoram Government para Aizawl aro dosura 10 district headquarters te aro 7 din nemite lockdown neshina restrictions junai thishe. Covid-19 bemari pheli thaka toh rokabo aro contract tracing nemite ase koishe. Jai thaka lockdown toh Monday pujur 4 am te kotom hoboli thakishe. Mizoram government para janaishe ke, itya laga restriction toh aro 7 din nemite othaishe aro May 3 darik para guidelines toh olop putli thakibo. Guidelines logot order te koishe ke, state capital te thaka manuh aro dosura district headquarters te boha manuh khan ghor te thakibo aro restriction samai dosura kam nathaka gari napiraboli janaishe. Hoilebi, Lengpui airport aro inter-state border toh intra-state movement nemite kula thakibo. Pharmacies, essential commodities, eateries, vegetables, meat, construction materials aro spare parts dukan state capital aro district headquarters te local leaders aro volunteers neshina Local Level Task Force (LLTF)aro Village Level Task Force (VLTF) khan laga arrangement hesab te kulibo koishe. Etu oper te filing stations, motor workshops, cold storage & warehousing, data aro call centres, carpentry workshops, steel fabrication workshops, bakeries, tailoring, weaving dukan aro dosura kam laga dukan toh be kula thakibo. Religious places, educational institutions, public parks, picnic spots, movie theatres, gymnasiums, community halls, restaurants, shopping complexes, malls toh sob state pithor te bondh koribo. Public gathering kaun exemption pithor te nai etu state te banned koribo. Itya jai thaka Aizawl aro 10 aro dosura district headquarters te rathi curfew toh 8:30 pm para loikena 4 am dak thakibo. Sunday din Mizoram te notun 105 COVID-19 cases thurishe aro etu saal pithor te 1 din te sobse besi thura thakishe. Mizoram te sob melaikena Covid-19 cases toh 5,388 ase etu pithor te 704 toh active ase. Etu bemari para komti hoilebi 4,671 manuh recovered hoishe. Mizoram te COVID-19 bemar para 13 manuh morikena ase.
Mizoram te lockdown aro 7 din othaishe
