April 26, 2021. Agartala te Northeast Now laga khobor lowa manuh- Tanmoy Chakraborty toh Sunday din te morish koishe. Tanmoy Chakraborty toh COVID bemar thakishe. Tanmoy Chakraborty toh Sunday 8:20pm samai 39 umer te morishe. Tai ke COVID-19 positive tested toh April 16 darik te thurishe aro etu beche tai ke chronic liver bemar para Tripura Medical College te elaj nemite admitted korishe. April 21 darik te, , Tanmoy Chakraborty logot COVID-19 toh negative tested paishe. Hoilebi, tai laga halat besi beya howa nemite Agartala laga ILS hospital te aro loikena jaishe aro Sunday rathi tai morishe. Tai laga ghor manuh para koishe, olop din akhe te tai Coma te thakishe, hoilebi, Sunday pujur dak tai laga halat toh olop bhal hoishe. Hoilebi sam te aro Tanmoy Chakraborty logot cardiac arrest hoikena pajiboli parai nai. Tanmoy Chakraborty para jarikena jowa khan toh tai laga baba aro ama, maiki aro 5 umer chokri ekta ase. Tai toh Agartala te thaka manuh ase. Etu samai, Tripura laga media fraternity khan para Tanmoy Chakraborty mora khobor hoikena besi asorit hoishe. “tai toh Tripura te besi promising journalist thaka ase,” koikena Agartala Press Club laga Secretary, Pranab Sarkar para statement te janaishe.
