IAS officer Parul Debi Das covid para morishe

April 27, 2021. Assam para 1^st maiki IAS officer Parul Debi Das toh Monday din morishe. Parul Debi Das toh Guwahati, Apollo Hospitals te COVID-19 bemar para morishe koishe. Tai toh Assam laga Additional Chief Secretary kori thakina service para retired hoishe. Parul Debi Das toh aro olop saal nemite Meghalaya  te be 80s saal samai kam korishe. Tai toh Assam-Meghalaya cadre IAS officer thakishe. Parul Debi Das toh Assam former cabinet minister, Ramnath Das laga chokri.  Aro tai toh former Assam Chief Secretary Naba Kumar Das laga didi ase. Assam Chief Minister Sarbananda Sonowal para Parul Debi Das mora khobor honikena mon dukh janaishe. Sarbananda Sonowal para koishe, “Parul Debi Das, Assam para 1^st maiki manuh IAS officer, COVID19 bemari para mora toh besi noksen ase. Ami laga mon dukh kotha toh tai laga ghor manuh aro osor  thaka manuh logot janai ase.” “Parul Debi Das, Assam laga 1^st IAS officer mora khobor honikena besi mon dukh ase. Tai COVID-19 bemar para moriboli ase koikena jana nai. Tai laga ghor manuh aro atmaa shanty thakiboli parthana kori ase,” koikena Atul Bora para janaishe. Assam minister Himanta Biswa Sarma para be Parul Debi Das mora oper te kotha janaishe.