Tihar Jail te ek jun Covid para morishe

New Delhi: Tuesday din Tihar Jail te 43 umer trial jai thaka samai tai ke COVID-19 positive tested thurikena ek din beche te morishe, koikena officials para janaishe. Mohammad Anish toh December 2019 saal para jail te Narcotic Drugs & Psychotropic Substances Act pithor te thakishe. Monday din tai logot COVID-19 positive test paishe aro jail hospital te mild symptoms thaka nemite admitted korishe. “Tuesday pujur te tai laga halat toh besi beya howa nemite Deen Dayal Upadhyay Hospital te emergency loikena jaishe. Etu beche sam te hospital te morishe,” koikena Director General (Prisons) Sandeep Goel para khobor toh janaishe. Jowa saal bemari soruh hoikena Delhi te jail manuh coronavirus bemar para mora toh tinta(3) wala ase. Jowa saal June 15 darik aro June 4 darik te Mandoli Jail te tui(2) jun manuh ke COVID-19 positive thura beche morishe. Prisons department laga data hesab te, March 2121 para loikena itya dak te 267 jail te boha manuh logot coronavirus positive tested paikena ase. Etu manuh khan pithor te 22 jun toh bemar para bhal hoishe aro 245 active cases aro ase. Etu oper te March 2021 para loikena 92 staff members logot positive tested thurishe. Ek jun manuh bemari para bhal hoishe aro itya 91 active cases ase, koikena data para janaishe. May 13, 2020 saal te jail te thaka manuh ke 1^st coronavirus bemar toh Rohini Jail te thurishe koishe.