April 29, 2021. Wednesday din Dibrugarh te Assam Medical College Hospital (AMCH) te tuita(2) notun oxygen generation plants toh kam kora soruh hoishe koishe. Etu tuita(2) notun oxygen generation plants toh AMCH principal-cum-chief superintendent Sanjeeb Kakati para inaugurated korishe. Notun oxygen plants para hotai din 200 jumbo oxygen cylinders bonabo koishe. “ekta oxygen generation plant para 100 jumbo cylinders neshina gas bonabo. AMCH te hotai din 120 to 140 cylinders jolabo aro bemari manuh ke direct pipeline para supply thibo,” koikena AMCH laga principal & chief superintendent, Dr Sanjeeb Kakati para janaishe. Tai aro koishe, baki 60-70 jumbo oxygen cylinders toh jodi AMCH te demand toh othile reserve te raki thakibo. “ami khan aro AMCH te dosura oxygen plant bonaboli bapana te ase. Jodi AMCH te dosura plant toh bonaboli kamyaab hoile district te oxygen toh komti nahobo aro demand samai paijabo,” Kakati para aro khobor toh janaishe. Central government aro Assam government melaikena Oxygen plants toh October 2020 saal te bona soruh hoishe.
Assam MC Hospital te 2 oxygen plants inaugurated korishe
