April 29, 2021. Assam Bongaigaon district laga Besimari jaga te police aro ULFA-I rebels khan larai kora samai ULFA-I leader aro Western Command laga Commander, Dwipen Saud toh larai kora te morishe koikena suspected hoishe. Dwipen Saud toh olop din akhe te ULFA-I Deputy Commander-in-Chief Drishti Rajkhowa logot Western Command laga Commander putli korishe. “olop din akhe te ULFA-I Commander Western Command para Drishti Rajkhowa ke putli korishe. SS Col Dwipen Saud toh goole para morishe. Tai ke itya hospital te loikena jaishe,” koikena Assam DGP Bhaskar Jyoti Mahanta para khobor toh janaishe. “tai laga sepia Padum Rai ke bantok logot thurishe, PO te aro dosura bantok aro grenade be paishe, etu samai aro pesari ase,” Assam DGP Bhaskar Jyoti Mahanta para aro janaishe. ULFA-I para manuh ke kidnapping khobor powa nemite Police para operation toh korishe. “ami khan logot khobor paishe ke, Ulfa Western Command para konuba India sepia dusman logot melikena konuba manuh ke kidnap koriboli bapana te thaka toh kamyab howa nai. Aji laga operation toh high quality police para operation kamyaab hoishe,” koikena Assam DGP Bhaskar Jyoti Mahanta para khobor toh juanaishe.
