April 29, 2021. Higher Secondary First Year Final Examination 2021, May 4 darik te loboli thaka toh cancelled hoishe. Etu exam toh Assam Higher Secondary Education Council (AHSEC) para conducted kori thaki, hoilebi Assam te Covid-19 halat beya nemite exams toh postponed hoishe. Higher Secondary first year examination postpone hoboli fesla toh April 28, 2021 te Council meeting loishe, koikena Wednesday din Council’s controller of examination Pankaj Borthakur para notification te janaishe. Notification te koishe, “April 28, 2021 te Council meeting loikena COVID-19 bemar halat nemite Higher Secondary First Year Final Examination, 2021, May 4, 2021 te loboli thaka toh postponed hoboli fesla hoishe,” Assam Higher Secondary Education Council chairman, Dayananda Borgohain para koishe ke, Higher Secondary Second Year Final Examination 2021 nemite toh aro Council para fesla koriboli ase koishe. Tai koishe, Council khan aro ek paar May 1st hafta te meeting korikena Higher Secondary Second Year Final Examination 2021 nemite fesla koribo. Higher Secondary Second Year (Class 12) Final Examination 2021 nemite exam toh Assam te May 11, 2021 te loboli ase. Assam te Covid-19 halat toh besi beya jaiase. Assam te 24 gonda pithor 3,045 notun Covid19 positive cases thurishe koishe.
