April 29, 2021. Arunachal Pradesh te 165 notun COVID-19 positive cases thura khobor paishe. Notun 165 cases toh of 3692 samples tests kora te thurishe aro etu samai 32 cases toh symptomatic ase aro dosura 133 cases toh Asymptomatic thakishe. Olop din akhe te 17 manuh COVID-19 bemari thaka toh bemar bhal hoikena discharged hoishe. Itya dak sob melaikena 17038 manuh bemari para bhal hoishe aro bhal howa rate toh 94.33% te ase koishe. Arunachal Pradesh te itya 966 COVID-19 cases toh active ase. State te positive rate toh 5.35% te ase aro State laga manuh mora rate toh 0.32% hoikena ase. Etu samai, Arunachal Pradesh government para higher educational institutions neshina colleges, universities & polytechnics toh State te COVID-19 halat besi beya jai thaka nemite May 1 darik para bondh koriboli junai thishe. Sob colleges, universities aro polytechnics toh Arunachal Pradesh government para notun khobor napa dak May moina para bondh thakibo koishe. Arunachal Pradesh chief minister Pema Khandu para State laga manuh khan logot COVID-19 vaccination lobo nemite nam registered koriboli janaikena ase. Arunachal Pradesh te olop din akhe para COVID-19 bemari toh besi wala jai ase koishe.
Arunachal Pradesh te notun 165 COVID-19 cases thurishe
