April 27, 2021. Bhutan para Assam logot hotai din 40 MT liquid oxygen thiboli koishe, etu oxygen plant toh Bhutan laga Samdrup Jongkhar district, Motanga Industrial Estate te ase koishe. Etu khobor toh Thimpu te India laga Embassy para janaishe. Itya Covid halat nemite, “Bhutan para India logot liquid oxygen toh supply thibo aro etu notun plant toh Motanga Industrial Estate, Samdrup Jongkhar district te M/s S.D. Cryogenics Gases Pvt. Ltd, Bhutanese company para bonaikena ase,” koikena Thimpu te India laga Embassy para statement te koishe. “hotai din 40 metric tonnes liquid oxygen toh Assam laga cryogenic tankers para loikena jabo,” statement te koishe. Etu oxygen plant te M/s S.D. Cryogenics para 51% domestic investment korikena ase aro Cryogenics and FDI component, Meghalaya Oxygen Pvt. Ltd para 49% ase, koikena Assam-based Indian company para statement te janaishe. Bhutan para oxygen deya toh India para Covid-19 bemar logot larai korikena manuh laga jevan pachaboli nemite ase koishe. Assam minister of state health Pijush Hazarika aro Rajya Sabha MP Biswajit Daimary para Sunday din te Bhutan laga oxygen plant toh visit korishe. Tai khan Eastern Bhutan, Samdrup Jhangkhar te jowa toh Assam health minister Himanta Biswa Sharma laga order para jaishe koishe. Samdrup Jhankhar te oxygen plant toh Covid-19 bemari soruh howa nemite jowa saal lockdown thaka nemite bondh thakishe koishe.
Bhutan para Assam logot hotai 40 MT oxygen debo
