April 30, 2021. India laga Maharashtra desh te double mutant variant thaka toh itya Tripura pongchise koishe. Sob melaikena 19 samples toh National Institute of Biomedical Genomic, Kalyani te puta toh double mutant strain positive neshina ase koishe. Etu jarikena, 5 samples toh UK variant thurishe aro ekta toh South African variant ase koishe. “sob variants toh VOC (Variant of concerns) variants ase kowa toh doctors khan para thurishe,” koikena Thursday din Tripura health department par detail puta toh senior virologist, Professor Tapan Majumder para janaishe. “ek jun manuh toh be etu double mutant variant nemite morishe, koikena Prof Majumder para reporters logot koishe. “Maharashtra te 70% neshina positive cases toh etu this double mutant variant nemite ase. UK variant toh Delhi te besi ase aro South African strain toh be desh besi te thurikena ase.” Ekta kushi kotha toh killer variant- Brazilian strain toh itya be desh te khobor nai,” koikena Prof Majumder para Agartala te AMC conference hall te reporters logot janaishe. Tai laga hesab te, virus strain te konuba biological neum ase etu nemite besi kara ase. Tai aro koishe ke, itya laga strains toh puila laga normal virus logot beya wala ase aro etu para mora rate toh besi othi ase. Tai para manuh logot Covid neum toh jolaikena vaccine loboli janaishe. “ami khan logot kali tuita(2) rasta ase, 1st toh COvid-19 neum maniboli aro dosura toh government laga neum hesab te vaccine loboli lage,” koikena Prof Majumder para aro janaishe. Tai laga hesab te beds, oxygen cylinders aro dosur facilities para motob napabo, “amio khan nejor etu bemari para thur thakiboli lage”. Tai ke sawal kora te, tai para manuh ke koishe, tinta(3) layer thaka masks jolaboli lage, etu nemite virus para pajikena thakibo koishe.
Tripura te double mutant variant pongchise
