April 30, 2021. India pura te 18 umer para loikena 45 umer dak COVID-19 vaccination programme thaliboli samai, Arunachal Pradesh toh May 1 darik te etu drive te samil koribo naparibo. Khobor hesab te, Arunachal Pradesh te citizens khan 18 umer para loikena 45 umer dak khan ke vaccine thibo naparibo, keli koile “Arunachal te COVID-19 vaccines toh aro pongcha nai koishe”. Arunachal Pradesh Health Department te vaccine bona manuh hath para update powa nai. Hoilebi, 45 umer khan ke toh vaccine loi thakibo. Arunachal Pradesh te 18 umer para loikena 45 umer khan logot toh vaccine toh nai koishe. “ami khan roki thakibo, keli koile vaccine bona khan laga hath para khobor roki ase,” koikena Arunachal Pradesh Health Minister, Alo Libang para Arunachal Times logot janaishe. Arunachal Pradesh Health Department para Covishield vaccines bona company Serum Institute of India logot 4.5 lakh vaccines order korikena ase. Hoilebi, Arunachal Pradesh Government logot vaccine bona company hath para khobor roki ase. Etu samai, May 1 darik para Inida te 18 para 45 umer manuh 1.2 crore oper COVID-19 vaccine nemite registered korikena ase.
Arunachal te 18+ citizens nemite vaccine nai
