April 30, 2021. Mizoram Police 108 personnel neshina West Bengal te elections duty kotom hoikena wabas aya khan ke COVID-19 positive thurishe koishe. Etu 108 COVID-19 cases toh Mizoram Police laga ase koishe. Wednesday din te 22 cases aro thurishe. Thursday din te aro ek jun Mizoram policeman ke COVID-19 positive thurishe. Dosura khobor ekta te, tui(2) din akhe te Assam Rifles para 17, BSF para 3 aro CAPF para 1 COVID-19 positive cases thurishe. BSF jawan 1 jun ke COVID-19 positive thura toh 40 umer ase aro tai toh COVID-19 vaccine tuita(2) doses toh be loikena ase, koikena Thursday din officials para janaishe. Thursday din sob melaikena Mizoram te 139 COVID-19 cases thurishe. Etu 139 notun COVID-19 cases thura toh melaikena Mizorom te 5,880 cases hoishe, etu pithor te itya dak virus bemar para 13 manuh morikena ase koishe. Official para koishe, 24 gonda pithor te 3,712 samples tested korishe aro etu laga samai te bemari rate toh 3.74 per cent thakishe. Zoram Medical College’s RT-PCR laboratory te 52 cases thurishe, TrueNat facility te 1 case aro Rapid Antigen Test te 86 cases thurishe koishe. Notun cases thura pithor te Aizawl district para 99 cases thurishe, Lawngtlai district para 17 cases, Serchhip district te 10 aro Kolasib district 7 cases thurishe. Lunglei, Champhai aro Mamit districts te 2 cases thurishe koishe. 41 bemari manuh khan travel history ase aro baki 98 manuh khan toh bemar toh locally thura ase koishe. 139 bemari manuh pithor te 34 manuh toh COVID-19 symptoms ase. Mizoram te itya dak 1,075 active cases ase aro 4,792 manuh toh bemari para bhal hoishe.
